at granska Biblina
31 versir um "at granska Biblina"
Versir
Síða 1 av 1Seinna Timoteusarbrævið 3:16 Seinna Timoteusarbrævið
Øll skriftin er innblást av Gudi og er nyttulig til lærdóm, til sannføring, til rættleiðing, til uppfostran í rættvísi,
Seinna Timoteusarbrævið 3:17 Seinna Timoteusarbrævið
so gudsmenniskjað kann verða fullkomið, ført fyri at gera alt gott verk.
Josva 1:8 Josva
Henda lógbók má ikki víkja úr munni tínum, nei, tú skalt grunda á hana dag og nátt, so tú aktar væl eftir at gera eftir øllum tí, sum í henni stendur skrivað; tá skal gangast tær væl á øllum leiðum tínum, og tá skalt tú hava framgongd.
Sálmarnir 119:105 Sálmarnir
Orð Títt er fóti mínum lykt og ljós á leið míni.
Seinna Timoteusarbrævið 3:14 Seinna Timoteusarbrævið
Men verð tú í tí, sum tú hevur lært, og sum tú ert vorðin sannførdur um! Tú veitst jú, hvør ið hevur lært teg tað;
Seinna Timoteusarbrævið 3:15 Seinna Timoteusarbrævið
og tú kennir frá barni av hinar heilagu skriftir, sum kunnu gera teg vísan til frelsu við trúnni á Kristus Jesus.
Sálmarnir 119:11 Sálmarnir
Eg goymi orð Títt í hjartanum, fyri at eg skal ikki synda móti Tær.
Orðtøkini 3:1 Orðtøkini
Sonur mín! Gloym ikki tað, ið eg læri teg, lat hjarta títt goyma boð míni!
Orðtøkini 3:2 Orðtøkini
Tí langt lív og mong ár at liva og frið skulu tey geva tær í ríkum máli.
Seinna Timoteusarbrævið 2:15 Seinna Timoteusarbrævið
Ger tær ómak at vísa teg sjálvan fram sum ein, ið royndur er fyri Gudi, sum arbeiðsmann, ið einki hevur at skammast við, sum lærir sannleiksorðið rætt!
Fimta Mósebók 11:18 Fimta Mósebók
Leggið tykkum tí hesi orð míni á hjarta og sinni, bindið tykkum tey sum tekin á hondina, og latið tey vera tykkum sum minnisseðil á pannuni!
Fimta Mósebók 11:19 Fimta Mósebók
Og lærið børn tykkara tey við at tosa um tey, bæði táið tú situr heima við hús, og táið tú gongur á vegnum, bæði táið tú legst, og táið tú fert upp!
Fimta Mósebók 11:20 Fimta Mósebók
Skriva tey á durastavirnar í húsi tínum og á portur tíni
Fimta Mósebók 11:21 Fimta Mósebók
– so tú og børn tíni kunnu liva leingi í landinum, sum HARRIN við eiði hevur lovað fedrum tykkara at geva teimum – so leingi sum himmalin er yvir jørðini!
Fimta Mósebók 11:22 Fimta Mósebók
Tí akta tit eftir øllum hesum boðum, sum eg í dag áleggi tykkum at halda, so tit elska HARRAN Gud tykkara, ganga allar leiðir Hansara og halda tykkum til Hansara,
Fimta Mósebók 11:23 Fimta Mósebók
so skal HARRIN reka út øll hesi fólk fyri tykkum, og tit skulu reka burtur fólk, ið eru størri og fjølmentari enn tit.
Sálmarnir 119:18 Sálmarnir
Lat upp eygu míni, so eg kann skoða alt hitt undurfulla í lóg Tíni!
Fyrra Pætursbrævið 3:15 Fyrra Pætursbrævið
nei, halgið Harran Kristus í hjørtum tykkara, og verið altíð til reiðar at verja tykkum fyri einum og hvørjum, ið krevur tykkum til roknskap fyri vónina, sum í tykkum er – tó við spakføri og ótta
Sálmarnir 119:9 Sálmarnir
Hvussu skal hin ungi halda veg sín reinan? Við at halda seg eftir orði Tínum.
Jóhannes 8:32 Jóhannes
og tit skulu skilja sannleikan, og sannleikin skal gera tykkum fríar.“
Ápostlasøgan 17:11 Ápostlasøgan
Hesir vóru meiri rætthugsandi enn hinir í Tessalonika; teir tóku ímóti orðinum við allari vælvild og rannsakaðu dagliga skriftirnar fyri at síggja, um hetta var so.
Rómverjabrævið 12:2 Rómverjabrævið
Og berið tykkum ikki at sum henda øld, nei, verðið umskapt við endurnýggjan sinnis tykkara, so tit kunnu royna, hvat vilji Guds er – hitt góða, dámliga og fullkomna!
Efesusbrævið 6:11 Efesusbrævið
Latið tykkum í øll herklæði Guds, so tit kunnu vera ment at standa tykkum móti svikaálopum Djevulsins!
Efesusbrævið 6:12 Efesusbrævið
Tí hjá okkum stendur bardagin ikki við blóð og hold, men við tignirnar og veldini, við harrar heimsins í hesum myrkri, við andaher óndskaparins í himmalrúminum.
Efesusbrævið 6:13 Efesusbrævið
Farið tí í øll herklæði Guds, so tit kunnu vera ment at gera mótstøðu hin ónda dag og standa eftir at hava vunnið sigur á øllum!
Efesusbrævið 6:14 Efesusbrævið
Standið tá gyrd um lendar tykkara við sannleika og latin í brynju rættvísinnar!
Efesusbrævið 6:15 Efesusbrævið
Havið sum skógvar á fótunum bardagahugin, ið evangelium friðarins gevur!
Efesusbrævið 6:16 Efesusbrævið
Og lyftið umframt alt hetta skjøld trúarinnar! Við honum skulu tit vera ment at sløkkja allar gløðandi pílar hins ónda.
Efesusbrævið 6:17 Efesusbrævið
Takið hjálm frelsunnar og svørð Andans – sum er orð Guds,
Hebrearabrævið 4:12 Hebrearabrævið
Tí orð Guds er livandi og hevur kraft og er hvassari enn nakað tvíeggjað svørð; tað fer ígjøgnum, inntil tað klývur sál og anda, liðir og merg, og dømir hugsanir og ráð hjartans.
Jákupsbrævið 1:22 Jákupsbrævið
Men verið gerarar orðsins og ikki bert hoyrarar tess – við tí dára tit tykkum sjálvar!