at gera sjálvmorð

Markus 1:28 Markus

Og tíðindini um Hann komu alt fyri eitt út allastaðni í øllum landinum har um vegir í Galilea.

2

Markus 1:29 Markus

Við tað sama sum teir vóru komnir út úr sýnagoguni, komu teir inn hjá Símuni og Andriasi, saman við Jákupi og Jóhannesi.

2

Markus 1:30 Markus

Vermóðir Símun lá við fepri; og alt fyri eitt tosaðu tey við Hann um hana.

2

Markus 1:31 Markus

Hann fór tá yvir til hennara, tók í hond hennara og reisti hana upp; og hon slapp frá feprinum, og hon borðreiddi fyri teimum.

2

Markus 1:32 Markus

Táið nú kvøldið var komið, og sólin var undirgingin, komu tey til Hansara við øllum hinum sjúku og teimum, ið sett vóru av illum andum;

2

Markus 1:33 Markus

og allur býurin var komin saman fyri durunum.

2

Markus 1:34 Markus

Hann grøddi mong, ið liðu av ymiskum sjúkum, og rak út nógvar illar andar; og Hann læt ikki hinar illu andar sleppa at tala, av tí at teir kendu Hann.

2

Markus 1:35 Markus

Tíðliga um morgunin, fyri dag, fór Hann upp og fór út og burtur til oyðið stað og bað har.

2

Markus 1:36 Markus

Símun og teir, ið við Honum vóru, skundaðu sær tá aftan á Honum.

2

Markus 1:37 Markus

Táið teir funnu Hann, søgdu teir við Hann: „Øll leita eftir Tær!“

2

Markus 1:38 Markus

Tá segði Hann við teir: „Latið okkum fara burt aðrastaðni til smábygdirnar her rundanum, so Eg kann prædika har við! Tí tað var tað, Eg kom til.“

2

Markus 1:39 Markus

Hann kom so og prædikaði í sýnagogum teirra um alt Galilea og rak út hinar illu andar.

2

Markus 1:40 Markus

Ein spitalskur kom tá til Hansara, bað Hann og fall á knæ fyri Honum og segði við Hann: „Vilt Tú, so kanst Tú gera meg reinan!“

2

Markus 1:41 Markus

Tá tykti Honum hjartaliga synd í honum; Hann rætti út hondina, nam við hann og segði: „Eg vil; verð reinur!“

2

Markus 1:42 Markus

Við tað sama slapp hann frá spitalskuni, og hann varð reinur.

2

Markus 1:43 Markus

Tá koyrdi Jesus hann alt fyri eitt avstað, beyð honum strangliga

2

Markus 1:44 Markus

og segði við hann: „Síggj til, at tú ongum sigur nakað um hetta! Far avstað og lat prestin sýna teg, og ofra fyri reinsan tína tað, ið Móses hevur ásett, teimum til vitnisburð!“

2

Men táið hann kom út, fór hann at siga nógv frá hesum og bera út hesi tíðindi, so Jesus fekk ikki longur farið opinlýst inn í nakran bý; Hann helt Seg uttanfyri, á støðum, har eingin búði; og allastaðni frá komu tey til Hansara.

2

Markus 2:1 Markus

Nakrar dagar seinni fór Hann aftur inn í Kapernaum, og tað spurdist, at Hann var heima.

2

Markus 2:2 Markus

Tá kom nógv fólk saman, so at tey rúmaðust ikki longur, heldur ikki uttan fyri dyrnar; og Hann talaði orðið til teirra.

2

Markus 2:3 Markus

Teir komu tá til Hansara við lamnum manni, sum varð borin av fýra;

2

Markus 2:4 Markus

og við tað at teir sluppu ikki fram til Hansara fyri mannfjøldini, tóku teir takið av, har sum Hann var, brutu hol á og sígdu niður songina, sum hin lamni lá í.

2

Markus 2:5 Markus

Táið Jesus sá trúgv teirra, segði Hann við hin lamna: „Sonurin, syndir tínar eru fyrigivnar!“

2

Markus 2:6 Markus

Nú sótu nakrir av hinum skriftlærdu har, og teir hugsaðu í hjørtum sínum:

2

Markus 2:7 Markus

„Hví talar hesin so? Hann spottar Gud! Hvør kann fyrigeva syndir uttan ein – Gud!“

2

Markus 2:8 Markus

Við tað sama kendi Jesus í anda Sínum, at teir hugsaðu so við sær sjálvum, og Hann segði við teir: „Hví hugsa tit hatta í hjørtum tykkara?

2

Markus 2:9 Markus

Hvat er lættari, at siga við hin lamna: „Syndir tínar eru tær fyrigivnar!“ ella at siga: „Reis teg, tak song tína og gakk!“

2

Markus 2:10 Markus

Men fyri at tit skulu vita, at Menniskjasonurin hevur vald á jørðini at fyrigeva syndir“ – segði Hann við hin lamna:

2

Markus 2:11 Markus

„Eg sigi tær: Reis teg, tak song tína og far heim til tín sjálvs!“

2

Markus 2:12 Markus

Tá reistist hann, tók við tað sama songina og fór út fyri eygum alra, so tey vóru øll ovfarin og prísaðu Gudi og søgdu: „Aldri hava vit sæð slíkt!“

2

Markus 2:13 Markus

Aftur fór Hann út, fram við vatninum, og alt fólkið kom til Hansara, og Hann lærdi tey.

2

Markus 2:14 Markus

Hann kom tá framvið og sá Levi, son Alfeus, sita við tollbúðina; og Hann segði við hann: „Fylg Mær!“ Tá reistist hann og fylgdi Honum.

2

Markus 2:15 Markus

Táið Hann síðani sat til borðs heima hjá honum, sótu nógvir tollarar og syndarar til borðs við Jesusi og lærisveinum Hansara; tí teir vóru nógvir, og teir fylgdu Honum.

2

Markus 2:16 Markus

Táið hinir skriftlærdu og Fariseararnir sóu, at Hann át við tollarum og syndarum, søgdu teir við lærisveinar Hansara: „Hann etur og drekkur við tollarum og syndarum!“

2

Markus 2:17 Markus

Táið Jesus hoyrdi hetta, segði Hann við teir: „Frískum tørvar ikki lækna, men sjúkum! Eg eri ikki komin at kalla rættvís, men syndarar.“

2

Markus 2:18 Markus

Lærisveinar Jóhannesar og Farisearanna hildu føstu. Teir komu nú og søgdu við Hann: „Hví fasta lærisveinar Jóhannesar og Farisearanna, og lærisveinar Tínir fasta ikki?“

2

Markus 2:19 Markus

Jesus svaraði teimum: „Fara brúðmenninir at fasta, meðan brúðgómurin er hjá teimum! So leingi sum teir hava brúðgómin hjá sær, kunnu teir ikki fasta.

2

Markus 2:20 Markus

Men dagar skulu koma, táið brúðgómurin verður frá teimum tikin, og tá skulu teir fasta, tann dag.

2

Markus 2:21 Markus

Eingin seymar bót av ótøvdum vaðmali á gamalt plagg; tí hin nýggja bótin skræðir meiri burtur úr hinum gamla, og holið verður verri.

2

Markus 2:22 Markus

Eingin letur heldur nýtt vín í gamlar skinnsekkir; tí vínið spreingir sekkirnar, og bæði tað og sekkirnir fara fyri einki. Nei, nýtt vín skal í nýggjar skinnsekkir!“

2

Markus 2:23 Markus

Nú hendi tað ein sabbat, at Hann gekk gjøgnum ein akur; og lærisveinar Hansara fóru at slíta øks, meðan teir gingu.

2

Markus 2:24 Markus

Tá søgdu Fariseararnir við Hann: „Hygg, hví gera teir sabbat tað, sum ikki er loyviligt!“

2

Markus 2:25 Markus

Hann svaraði teimum: „Hava tit aldri lisið, hvat Dávid gjørdi, táið hann kom í neyð og hungraði, hann sjálvur og teir, ið við honum vóru

2

Markus 2:26 Markus

– hvussu hann fór inn í hús Guds, meðan Abjatar var høvuðsprestur, og át sýnisbreyðini, sum eingin hevur loyvi at eta uttan prestarnir, og gav eisini teimum, ið við honum vóru?“

2

Markus 2:27 Markus

Og Hann segði við teir: „Sabbaturin varð til fyri menniskjunnar skuld, og ikki menniskjan fyri sabbatsins skuld.

2

Markus 2:28 Markus

Tí er Menniskjasonurin Harri sabbatsins við.“

2

Markus 3:1 Markus

Aftur fór Hann inn í sýnagogu, og har var maður, sum hevði visna hond.

2

Markus 3:2 Markus

Teir høvdu eyguni eftir Honum, um Hann mundi fara at grøða hann sabbat, fyri at teir kundu fáa okkurt at klaga Hann fyri.

2

Markus 3:3 Markus

Tá segði Hann við mannin, ið hevði hina visnu hondina: „Reis teg og kom fram higar!“

2

Markus 3:4 Markus

So segði Hann við teir: „Hvat er loyviligt sabbat: At gera gott ella at gera ilt, at bjarga lívi ella at drepa?“ Teir tagdu.

2