at fostur er menniskja
26 versir um "at fostur er menniskja"
Versir
Síða 1 av 1Jeremias 1:5 Jeremias
„Áðrenn Eg myndaði teg í móðurlívi, kendi Eg teg, og áðrenn tú komst út úr móðurfangi, halgaði Eg teg; til profet tjóðanna setti Eg teg.“
Sálmarnir 139:13 Sálmarnir
Tí Tú hevur skapt nýru míni, Tú virkaði meg í móðurlívi.
Sálmarnir 139:14 Sálmarnir
Eg takki Tær, at eg eri virkaður so ómetaliga undurfult; undurfull eru verk Tíni, tað veit sál mín til fulnar.
Sálmarnir 139:15 Sálmarnir
Bein míni vóru ikki Tær duld, táið eg varð skaptur í loyndum, virkaður í jarðardjúpinum.
Sálmarnir 139:16 Sálmarnir
Sum fostur sóu eygu Tíni meg, og í bók Tíni stóðu teir allir uppskrivaðir, dagarnir, ið ásettir vóru, áðrenn nakar av teimum enn var komin.
Onnur Mósebók 21:22 Onnur Mósebók
Táið menn fara saman at berjast og fíra undir konu, ið er við barn, so at hon hittir reis, men eingin onnur vanlukka stendst av, so skal hann, ið gjørdi tað, lata í bót tað, ið maður konuna leggur á; hann skal lata tað, ið dómarar áleggja.
Onnur Mósebók 21:23 Onnur Mósebók
Men stendst vanlukka av, so skal lív latast fyri lív!
Onnur Mósebók 21:24 Onnur Mósebók
– Eyga fyri eyga, tonn fyri tonn, hond fyri hond, fót fyri fót,
Onnur Mósebók 21:25 Onnur Mósebók
brent fyri brent, sár fyri sár, kúlu fyri kúlu!
Fyrsta Mósebók 2:7 Fyrsta Mósebók
Gud HARRIN myndaði menniskjað úr moldini í jørðini og blásti lívsanda í nøs hansara, so at menniskjað varð livandi sál.
Prædikarin 11:5 Prædikarin
Líka lítið sum tú kennir leið vindsins, ella hvussu beinini verða til í lívi hennara, sum er við barn, líka lítið veitst tú, hvat Gud fer at gera, Hann, sum virkar tað alt samalt.
Fyrsta Mósebók 25:21 Fyrsta Mósebók
Ísakur bað til HARRAN fyri konu síni, tí hon var ófruktbør; og HARRIN bønhoyrdi hann, Rebekka, kona hansara, varð við barn.
Fyrsta Mósebók 25:22 Fyrsta Mósebók
Men fostrini stoyttu saman í lívi hennara; tá segði hon: „Stendur so til, hví skal eg tá liva?“ Og hon fór at spyrja HARRAN.
Job 10:8 Job
Hendur Tínar hava virkað meg og gjørt meg í einum og øllum – og nú forkemur Tú mær!
Job 10:9 Job
Minst, at Tú myndaði meg sum leirið – og nú ætlar Tú at gera meg til mold aftur!
Job 10:10 Job
Hevur Tú ikki helt meg út sum mjólk og latið meg leypa sum ost!
Job 10:11 Job
Við húð og holdi klæddi Tú meg og flættaði meg saman við beinum og sinum.
Job 10:12 Job
Lív og náði veitti Tú mær, og umsorgan Tín varðveitti andadrátt mín.
Sálmarnir 51:5 Sálmarnir
Tí eg kenni misbrot míni, og synd mín er mær altíð fyri eyga.
Sálmarnir 127:3 Sálmarnir
Børn eru gáva HARRANS, lívsfrukt er løn.
Sálmarnir 127:4 Sálmarnir
Sum pílar í hond hins veldiga kappa eru synir, ið ein fær í ungdóminum.
Sálmarnir 127:5 Sálmarnir
Lukkuligur er tann maður, ið hevur pílahúsan fullan av teimum; teir verða ikki til skammar, táið teir tala við fíggindar í portrinum.
Esaias 44:2 Esaias
So sigur HARRIN, sum skapti teg og úr móðurlívi myndaði teg – Hann, sum hjálpir tær: Óttast ikki, Jákup, tænari Mín, Jesurun*, sum Eg havi útvalt!
Jeremias 1:4 Jeremias
Orð HARRANS kom til mín; Hann segði:
Lukas 1:41 Lukas
Táið tá Elisabet hoyrdi heilsu Mariu, spældi fostrið í lívi hennara. Og Elisabet fyltist av Heilaga Andanum,
Lukas 1:44 Lukas
Tí veitst tú – í tí eg hoyrdi ljóðið av heilsu tíni, spældi fostrið av frøi í lívi mínum!