Ár
67 versir um "Ár"
Versir
Síða 1 av 2Sálmarnir 100:3 Sálmarnir
Kennið, at HARRIN er Gud! Hann skapti okkum; vit eru Hansara, fólk Hansara og fylgið, ið Hann røktar.
Lukas 15:4 Lukas
„Um ein tykkara hevur 100 seyðir og missir ein av teimum – hvør er hann, sum fer ikki frá hinum 99 í oyðimørkini og út at leita eftir tí, sum hann hevur mist, inntil hann finnur hann!
Lukas 15:5 Lukas
Táið hann so hevur funnið hann, leggur hann hann glaður á herðarnar.
Lukas 15:6 Lukas
Og táið hann kemur til hús, kallar hann saman vinir og grannar sínar og sigur við teir: „Gleðist við mær! Eg havi funnið seyð mín, sum eg hevði mist!“
Lukas 15:7 Lukas
Eg sigi tykkum: Soleiðis skal vera gleði í Himli um ein syndara, ið vendir við, meir enn um 99 rættvís, sum ikki tørvar umvending.
Matteus 9:36 Matteus
Táið Hann sá fólkið, tykti Honum hjartaliga synd í teimum; tí tey vóru illa hagreidd og vanrøktað sum seyður, ið ongan hirða hevur.
Jóhannes 10:11 Jóhannes
Eg eri hin góði hirði; hin góði hirði gevur lív Sítt fyri seyðin.
Sálmarnir 23:1 Sálmarnir
Sálmur. Eftir Dávid. HARRIN er hirði mín; mær fattast einki.
Sálmarnir 23:2 Sálmarnir
Hann letur meg liggja á grønum eingjum, leiðir meg at hvíldarvøtnum;
Sálmarnir 23:3 Sálmarnir
Hann lívgar sál mína, Hann leiðir meg eftir røttum leiðum – fyri navns Síns skuld.
Sálmarnir 23:4 Sálmarnir
Um eg so skal ganga í dali deyðaskuggans, óttist eg einki ilt; tí Tú ert við mær, keppur Tín og stavur Tín, teir ugga meg.
Sálmarnir 23:5 Sálmarnir
Tú borðreiðir fyri mær, beint fyri eygum fígginda mína; Tú salvar høvd mítt við olju; tað rennur út av steypi mínum.
Sálmarnir 23:6 Sálmarnir
Einki uttan gott og náði skal fylgja mær, allar dagar eg livi, og eg skal búgva í húsi HARRANS allar ævir.
Esaias 53:6 Esaias
Vit viltust øll av leið sum seyður, vit vendu okkum hvør sín veg; men HARRIN læt falla á Hann skyldina, ið lá á okkum øllum.
Jeremias 50:6 Jeremias
Burtvilst fylgi var fólk Mítt; hirðar teirra høvdu fingið tey av leið; niðan í fjøllini høvdu teir rikið tey; tey reikaðu av fjalli á hædd, tey gloymdu hvíldarstað sítt.
Matteus 7:15 Matteus
Varðið tykkum fyri lygiprofetunum, sum koma til tykkara í seyðaklæðum, men eru glúpskir úlvar innan!
Matteus 10:16 Matteus
Eg sendi tykkum út sum seyð mitt ímillum úlvar! Verið tí klókir sum ormar og einfaldir sum dúvur!
Jóhannes 10:1 Jóhannes
„Sanniliga, sanniliga, sigi Eg tykkum: Tann, sum ikki fer um dyrnar inn í seyðahúsið, men klívur uppum aðrastaðni, hann er tjóvur og ránsmaður.
Jóhannes 10:2 Jóhannes
Men tann, sum fer inn um dyrnar, er seyðahirðin.
Jóhannes 10:3 Jóhannes
Fyri honum letur duravaktarin upp, og seyðurin hoyrir rødd hansara, og hann rópar seyð sín við navni og leiðir hann út.
Jóhannes 10:4 Jóhannes
Táið hann so hevur leitt út allan seyð sín, gongur hann undan honum; og seyðurin fylgir honum, tí hann kennir rødd hansara.
Jóhannes 10:5 Jóhannes
Men fremmandum fylgir hann ikki, nei, hann flýggjar frá honum; tí hann kennir ikki rødd hinna fremmandu.“
Jóhannes 10:6 Jóhannes
Hetta líknilsi talaði Jesus til teirra; men tey skiltu ikki, hvat tað var, Hann talaði við tey.
Jóhannes 10:7 Jóhannes
Jesus segði tá aftur við tey: „Sanniliga, sanniliga, sigi Eg tykkum: Eg eri dyr seyðarins.
Jóhannes 10:8 Jóhannes
Allir, ið komnir eru fyri Mær, eru tjóvar og ránsmenn; men seyðurin lurtaði ikki eftir teimum.
Jóhannes 10:9 Jóhannes
Eg eri dyrnar; tann, ið fer inn gjøgnum Meg, verður frelstur, og hann skal ganga inn og ganga út og finna føði.
Jóhannes 10:10 Jóhannes
Tjóvurin kemur bert at stjala og drepa og forkoma; Eg eri komin, fyri at tey skulu hava lív og hava yvirflóð.
Jóhannes 10:12 Jóhannes
Men tann, ið leigaður er og ikki er hirði – sum ikki eigur seyðin – sær úlvin koma og rýmir frá seyðinum og flýggjar; og úlvurin rænir seyðin og spjaðir hann sundur.
Jóhannes 10:13 Jóhannes
– Tí hann er leigaður, og seyðurin liggur honum ikki á hjarta.
Jóhannes 10:14 Jóhannes
Eg eri hin góði hirði, og Eg kenni Míni og eri kendur av Mínum,
Jóhannes 10:15 Jóhannes
eins og Faðirin kennir Meg, og Eg kenni Faðirin; og Eg gevi lív Mítt fyri seyðin.
Jóhannes 10:16 Jóhannes
Eg eigi eisini annan seyð, sum ikki hoyrir til hetta seyðahúsið; eisini hann skal Eg leiða; hann skal hoyra rødd Mína, og eitt fylgi skal verða, og ein hirði.
Esaias 53:7 Esaias
Hann varð illa viðfarin, og Hann bar tað stillur, Hann læt ikki upp munnin – sum lamb, ið verður leitt avstað at verða dripið, og sum seyður, ið tegir, táið teir royta hann – Hann læt ikki upp munnin.
Ezekiel 34:1 Ezekiel
Orð HARRANS kom til mín; Hann segði:
Ezekiel 34:2 Ezekiel
Menniskjasonur! Profetera móti hirðum Ísraels – profetera og sig við teir, við hirðarnar: So sigur Harrin HARRIN: Vei hirðum Ísraels, sum røkta seg sjálvar! Er tað ikki fylgið, hirðarnir skulu røkta!
Ezekiel 34:3 Ezekiel
Hitt feita eta tit, við ullini klæða tit tykkum, og hini feitu kríatúrini drepa tit; men fylgið røkta tit ikki!
Ezekiel 34:4 Ezekiel
Hitt veika hava tit ikki styrkt; hitt sjúka hava tit ikki grøtt; hinum beinbrotna hava tit ikki bundið um hjá; tað, ið burtur var stygt, hava tit ikki rikið aftur, og hitt burtvilsta hava tit ikki leitað upp – nei, tit hava borið tykkum at sum harðir og grummir harrar yvir teimum!
Ezekiel 34:5 Ezekiel
Soleiðis spjaddist fylgið; av tí at tað ongan hirða hevði, varð tað øllum hinum villu dýrunum á markini til føði og spjaddist.
Ezekiel 34:6 Ezekiel
Fylgi Mítt fjakkar um á øllum fjøllum og øllum høgum hæddum; um alt landið er fylgi Mítt spjatt, og eingin spyr, og eingin leitar eftir teimum.
Ezekiel 34:7 Ezekiel
Hoyrið tí orð HARRANS, tit hirðar!
Ezekiel 34:8 Ezekiel
So satt sum Eg livi – sigur Harrin HARRIN – sanniliga, við tað at fylgi Mítt er vorðið til rán, ja, við tað at fylgi Mítt er vorðið øllum hinum villu dýrunum á markini til føði, tí tað ongan hirða hevði, og hirðar Mínir spurdu ikki eftir fylgi Mínum, nei, hirðarnir røktaðu seg sjálvar og røktaðu ikki fylgi Mítt
Ezekiel 34:9 Ezekiel
– hoyrið tí orð HARRANS, tit hirðar!
Ezekiel 34:10 Ezekiel
So sigur Harrin HARRIN: Eg komi yvir hirðarnar og skal krevja fylgi Mítt av hond teirra og koyra teir frá sum hirðar fylgisins – so hirðarnir skulu ikki røkta seg sjálvar longur – og Eg skal bjarga fylgi Mínum úr gapi teirra, so tað skal ikki vera teimum til føði.
Ezekiel 34:11 Ezekiel
Tí so sigur Harrin HARRIN: Ja, Eg komi og skal spyrja eftir fylgi Mínum og hyggja eftir tí.
Ezekiel 34:12 Ezekiel
Sum hirði hyggur eftir fylgi sínum, tann dag hann er millum seyð sín, sum hevur verið spjaddur, so skal Eg hyggja eftir seyði Mínum og fáa hann heimaftur av øllum støðunum, hagar hann spjaddist dag við skýggjum og bølamyrkri.
Ezekiel 34:13 Ezekiel
Eg skal leiða hann út frá tjóðunum og savna hann úr londunum og leiða hann heimaftur í hansara egna land; og Eg skal røkta hann á Ísraelsfjøllum, í dølunum og á øllum støðum í landinum, har hann býr.
Ezekiel 34:14 Ezekiel
Á góðum haglendi skal Eg lata hann liggja, á hinum høgu fjøllum Ísraels skal hann liggja og eta; har skal hann hvíla á góðum haglendi; á feitum haglendi skal hann liggja og eta á Ísraelsfjøllum.
Ezekiel 34:15 Ezekiel
Eg skal sjálvur halda fylgi Mínum á haga og sjálvur lata tað hvíla – sigur Harrin HARRIN.
Ezekiel 34:16 Ezekiel
Hitt burtvilsta skal Eg leita upp; tað, ið burtur er stygt, skal Eg reka aftur; hinum beinbrotna skal Eg binda um hjá, og hitt sjúka skal Eg styrkja. Men hinum feita og hinum sterka skal Eg hava eyguni eftir; Eg skal røkta tað, so sum rætt er.
Ezekiel 34:17 Ezekiel
Og tit, fylgi Mítt – so sigur Harrin HARRIN: Ja, Eg skal døma millum seyð og seyð, millum veðrar og bukkar!