Amerika í endatíðini
64 versir um "Amerika í endatíðini"
Versir
Síða 1 av 2Opinberingin 18:1 Opinberingin
Síðani sá eg annan eingil koma niður av himli; hann hevði stórt vald, og jørðin lýstist upp av dýrd hansara.
Opinberingin 18:2 Opinberingin
Hann rópti við veldigari, harðari rødd: „Fallin, fallin er Bábylon hin stóra! Hon er vorðin bústaður ilra anda, fangahús alskyns óreina anda og fangahús alskyns óreina og viðurstyggiliga fugla.
Opinberingin 18:3 Opinberingin
Tí av vreiðivíni horulevnaðs hennara hava øll fólkasløg drukkið; kongar jarðarinnar hava drivið hor við henni, og keypmenn jarðarinnar eru vorðnir ríkir av fylling ólevnaðs hennara.“
Opinberingin 18:4 Opinberingin
Eg hoyrdi aðra rødd úr Himli; hon segði: „Farið út frá henni, fólk mítt, so tit hava ikki lut í syndum hennara og verða rakt av plágum hennara!
Opinberingin 18:5 Opinberingin
Tí syndir hennara røkka líka upp til Himmals, og Gud hevur minst órættvísi hennara.
Opinberingin 18:6 Opinberingin
Lønið henni aftur, sum hon hevur lønt, ja, gjaldið henni tvífalt eftir verkum hennara, skeinkið henni dupult so nógv í bikarið, sum hon hevur skonkt!
Opinberingin 18:7 Opinberingin
So nógv sum hon hevur sett seg sjálva høgt og livað í ólevnaði – gevið henni so nógv av pínu og sorg! Aftur fyri at hon sigur í hjartanum: „Eg siti sum drotning og eri ikki einkja – sorg skal eg aldri síggja!“
Opinberingin 18:8 Opinberingin
so skulu á einum degi plágur hennara koma: Deyði, sorg og hungur! Hon skal verða brend upp; tí sterkur er Harrin Gud, sum hevur dømt hana.
Opinberingin 18:9 Opinberingin
Kongar jarðarinnar, sum hava drivið hor við henni og livað í ólevnaði við henni, skulu gráta og vena seg um hana, táið teir síggja roykin av bruna hennara.
Opinberingin 18:10 Opinberingin
Teir skulu standa langt burtur av ræðslu fyri pínu hennara, og teir skulu siga: „Vei, vei, tú stóri staður, Bábylon, tú sterki staður, at dómur tín er komin á einum tíma!“
Opinberingin 18:11 Opinberingin
Keypmenn jarðarinnar skulu gráta og syrgja um hana, tí eingin longur keypir skipsfarmar teirra
Opinberingin 18:12 Opinberingin
– farmar av gulli, silvuri, dýrum steinum, perlum, fínum línklæði, purpuri, silki, skarlaki, alskyns angandi viði, alskyns íløtum av fílabeini, alskyns íløtum av dýrum viði, kopari, jarni og marmori
Opinberingin 18:13 Opinberingin
– farmar av kaneli, dýrari salvu, roykilsi, myrra, viraki, víni, olju, fínum mjøli, hveiti, neytum, seyði, rossum, vagnum, trælum – og menniskjasálum!
Opinberingin 18:14 Opinberingin
Ávøksturin, ið sál tín tráaði eftir, er farin frá tær; alt góðgætið og alt hitt glitrandi er horvið frá tær – og aldri skal nakar finna tað aftur!
Opinberingin 18:15 Opinberingin
Teir, ið handlaðu við hesum – og eru vorðnir ríkir av henni! – skulu standa langt burtur av ræðslu fyri pínu hennara, gráta og syrgja og siga:
Opinberingin 18:16 Opinberingin
„Vei, vei! Hin stóri staður, sum klæddur var í fínt lín, purpur og skarlak og skein av gulli, dýrum steinum og perlum – at á einum tíma so stórur ríkdómur er lagdur í oyði!“
Opinberingin 18:17 Opinberingin
Og hvør stýrimaður, hvør skipari og allir sjómenn – allir, ið hava virki sítt á sjónum – stóðu langt burtur;
Opinberingin 18:18 Opinberingin
táið teir sóu roykin av bruna hennara, róptu teir og søgdu: „Hvat kundi metast javnt við hin stóra stað!“
Opinberingin 18:19 Opinberingin
Teir stroyddu mold á høvd síni og róptu við gráti og sorg og søgdu: „Vei, vei, hin stóri staður! – Í honum gjørdust allir teir ríkir, sum hava skip á sjónum – av skattum hansara! Á einum tíma er hann lagdur í oyði!“
Opinberingin 18:20 Opinberingin
Fegnast yvir henni, Himmal – og tit heilagu, tit ápostlar og profetar – at Gud hevur hildið dóm yvir henni fyri tykkum!“
Opinberingin 18:21 Opinberingin
Veldigur eingil tók stóran stein – sum stóran kvarnarstein – kastaði hann í havið og segði: „Soleiðis skal Bábylon, hin stóri staður, alt í einum verða kollveltur – og ikki verða at finna longur!
Opinberingin 18:22 Opinberingin
Ljóð av hørpuspælarum, sangarum, floytublásarum og lúðurblásarum skal ikki hoyrast meiri í tær; eingin listarmaður í nakrari list skal finnast meiri í tær; ljóð av kvørn skal ikki hoyrast meiri í tær;
Opinberingin 18:23 Opinberingin
ljós av lampu skal ikki skína meiri í tær; rødd brúðgóms og brúðar skal ikki hoyrast meiri í tær – tí keypmenn tínir vóru stórmenn jarðarinnar, av tí at øll fólkasløg vórðu villleidd av gandi tínum!
Opinberingin 18:24 Opinberingin
– Í henni varð funnið blóð profeta og heilagra – og alra teirra, ið myrd eru á jørðini!“
Dániel 7:4 Dániel
Hitt fyrsta líktist leyvu, men hevði veingir sum ørn. Meðan eg hugdi at, vórðu veingirnir slitnir av tí, og tað varð lyft upp frá jørðini og reist á tveir føtur eins og menniskja og fekk menniskjahjarta.
Lukas 17:30 Lukas
– so skal eisini vera, tann dag Menniskjasonurin opinberast.
Fimta Mósebók 6:13 Fimta Mósebók
HARRAN Gud tín skalt tú óttast, Hann skalt tú dýrka, og um navn Hansara skalt tú svørja.
Fyrra Sámuelsbók 2:9 Fyrra Sámuelsbók
Hann varðar føtur heilagu Sína, men gudleys ganga til grundar í myrkri – tí ikki við egnum mátti er maður sterkur.
Esaias 65:17 Esaias
Tí Eg skapi nýggjar himlar og nýggja jørð, og hitt fyrra skal ikki verða minst, ongum skal aftur koma tað í hug.
Ezekiel 38:1 Ezekiel
Orð HARRANS kom til mín; Hann segði:
Ezekiel 38:2 Ezekiel
Menniskjasonur! Vend andliti tínum móti Gog í Magogslandi, høvdinga yvir Ros, Mesek og Tubal – profetera móti honum!
Ezekiel 38:3 Ezekiel
Tú skalt siga: So sigur Harrin HARRIN: Eg komi yvir teg, Gog, høvdingi yvir Ros, Mesek og Tubal!
Ezekiel 38:4 Ezekiel
Eg skal venda tær við, krøkja krókar í kjálkar tínar og leiða teg út við øllum heri tínum, hestum og hestmonnum – allir eru teir í vøkrum klæðum, veldigur skari við stórum og smáum skjøldum, allir við svørði í hond.
Ezekiel 38:5 Ezekiel
Persarar, Etioparar og Putearar eru við teimum, allir við skjøldi og hjálmi.
Ezekiel 38:6 Ezekiel
Gomer við øllum herflokkum sínum, Togarmafólk úr ytsta Norðurlandi við øllum herflokkum sínum – mong fólkasløg eru við tær.
Ezekiel 38:7 Ezekiel
Vápna teg og ger alt liðugt, tú og allir skarar tínir, sum saman eru komnir hjá tær! Tú skalt vera yvirmaður teirra.
Ezekiel 38:8 Ezekiel
Táið long tíð er gingin, skulu boð koma eftir tær; táið árini eru at enda, skalt tú koma til tað land, sum aftur er vunnið undan svørðinum, til tjóð, ið savnað er saman frá mongum fólkasløgum, niðan á Ísraelsfjøll, sum so leingi lógu í oyði, tjóð, ið flutt er burt frá fólkasløgunum og nú býr trygt har tilsamans.
Ezekiel 38:9 Ezekiel
Tú skalt fara niðan hagar; sum stormur skalt tú koma, sum skýggj skalt tú vera til at fjala landið, tú og allir herflokkar tínir og mong fólkasløg við tær.
Ezekiel 38:10 Ezekiel
So sigur Harrin HARRIN: Tann dag skulu hugsanir koma upp í hjarta tínum, og tú skalt leggja upp ónd ráð
Ezekiel 38:11 Ezekiel
og siga: „Eg skal fara móti landi við opnum býum; eg skal koma yvir friðarlig fólk, sum búgva trygt, sum øll somul búgva við ongum múrum og hvørki hava porturstengur ella portur“
Ezekiel 38:12 Ezekiel
– til at ræna og taka herfong, til at venda hond tíni móti toftum, sum upp aftur eru bygdar, og móti fólki, ið savnað er saman frá heidningunum, sum hevur vunnið sær fæ og góðs, og sum býr á nalva* jarðarinnar.
Ezekiel 38:13 Ezekiel
Sjeba, Dedan, keypmenninir úr Tarsis og allar ungu leyvur teirra skulu siga við teg: „Kemur tú at ræna? Hevur tú savnað skarar tínar til at taka herfong, til at fara avstað við silvuri og gulli, til at ræna fæ og góðs, til at taka rán í stórum?“
Ezekiel 38:14 Ezekiel
Profetera tí, menniskjasonur, og sig við Gog: So sigur Harrin HARRIN: Ja, tann dag Ísrael, fólk Mítt, býr trygt, skalt tú fáa at vita av tí.
Ezekiel 38:15 Ezekiel
Og tá skalt tú koma úr landi tínum, úr ytsta Norðurlandi, tú og mong fólkasløg við tær, allir samlir ríðandi á hestum, stórur skari, veldigur herur.
Ezekiel 38:16 Ezekiel
Sum skýggj skalt tú koma móti Ísrael, fólki Mínum, og fjala landið. Á síðstu døgum skal hetta henda; tá lati Eg teg koma yvir land Mítt – fyri at tjóðirnar skulu læra Meg at kenna, táið Eg fyri eygum teirra prógvi Meg heilagan á tær, Gog!
Ezekiel 38:17 Ezekiel
So sigur Harrin HARRIN: Er tað um teg, Eg havi talað í fornum døgum við tænarum Mínum profetum Ísraels, teimum, ið profeteraðu á teimum døgum, ár eftir ár, at Eg skuldi lata teg koma yvir tey?
Ezekiel 38:18 Ezekiel
Men sama dag, tann dag Gog kemur yvir Ísraelsland – sigur Harrin HARRIN – skal vreiði Mín stíga upp í ásjón Mína.
Ezekiel 38:19 Ezekiel
Og í vreiði Míni – í vreiðieldi Mínum – sigi Eg: Sanniliga, tann dag skal stórur jarðskjálvti verða í Ísraelslandi.
Ezekiel 38:20 Ezekiel
Fiskarnir í sjónum, fuglarnir undir himli, dýrini á markini, øll skriðdýr, ið á jørðini skríða, og øll menniskju, ið á jørðini búgva, skulu skelva fyri ásjón Míni, og fjøllini skulu detta umkoll, hamrarnir skulu rapla niður, og hvør múrur skal falla til jarðar.
Ezekiel 38:21 Ezekiel
Eg skal á øllum fjøllum Mínum kalla á svørðið móti honum – sigur Harrin HARRIN; svørð eins skal verða vent móti øðrum.