alt við hóvsemi

43 versir um "alt við hóvsemi"

Versir

Síða 1 av 1
Prædikarin 3:1 Prædikarin

Alt hevur stund sína, og hvør fyritøka undir himli hevur tíð sína.

11
Prædikarin 3:2 Prædikarin

At verða føddur hevur tíð sína, og at doyggja hevur tíð sína; at planta hevur tíð sína, og at ríva upp tað, ið plantað er, hevur tíð sína;

11
Prædikarin 3:3 Prædikarin

at drepa hevur tíð sína, og at grøða hevur tíð sína; at ríva niður hevur tíð sína, og at byggja upp hevur tíð sína;

11
Prædikarin 3:4 Prædikarin

at gráta hevur tíð sína, og at læa hevur tíð sína; at syrgja hevur tíð sína, og at dansa hevur tíð sína;

11
Prædikarin 3:5 Prædikarin

at kasta burtur steinar hevur tíð sína, og at sanka steinar hevur tíð sína; at taka í favn hevur tíð sína, og at halda seg frá favntaki hevur tíð sína;

11
Prædikarin 3:6 Prædikarin

at leita hevur tíð sína, og at missa hevur tíð sína; at goyma hevur tíð sína, og at kasta burtur hevur tíð sína;

11
Prædikarin 3:7 Prædikarin

at skræða sundur hevur tíð sína, og at seyma saman hevur tíð sína; at tiga hevur tíð sína, og at tala hevur tíð sína;

11
Prædikarin 3:8 Prædikarin

at elska hevur tíð sína, og at hata hevur tíð sína; ófriður hevur tíð sína, og friður hevur tíð sína.

11
Fyrra Korintbrævið 6:12 Fyrra Korintbrævið

Eg havi loyvi til alt – men ikki alt er til gagn! Eg havi loyvi til alt – men eg má einki lata fáa vald á mær!

9
Efesusbrævið 5:18 Efesusbrævið

Drekkið tykkum ikki drukkin av víni – í tí er spilling! Nei, latið tykkum fylla av Andanum,

7
Fyrra Korintbrævið 6:19 Fyrra Korintbrævið

Vita tit ikki, at likam tykkara er tempul Heilaga Andans, sum í tykkum er, og sum tit hava frá Gudi, og at tit eru ikki tykkara egnu?

6
Fyrra Korintbrævið 6:20 Fyrra Korintbrævið

Tit eru dýrt keypt! Ærið tí Gud í likami tykkara!

6
Filippibrævið 4:5 Filippibrævið

Milda sinni tykkara verði øllum menniskjum kunnigt! Harrin er nær!

5
Fyrra Korintbrævið 9:25 Fyrra Korintbrævið

Teir, sum eru við í kappleikum, eru allir fráhaldandi í øllum; teir gera tað fyri at fáa forgeingiligan krans, men vit fyri at fáa óforgeingiligan.

4
Filippibrævið 4:8 Filippibrævið

Og síðani, brøður: Alt, sum satt er, alt, sum sámiligt er, alt, sum rætt er, alt, sum reint er, alt, sum elskuligt er, alt, sum væl verður talað um, eina og hvørja dygd og ein og hvønn heiður – hugsið um hetta!

4
Fyrra Pætursbrævið 5:8 Fyrra Pætursbrævið

Verið edrú, vakið! Mótstøðumaður tykkara, Djevulin, gongur um sum brølandi leyva og leitar eftir, hvørjum hann fær gloypt.

4
Fyrra Timoteusarbrævið 4:2 Fyrra Timoteusarbrævið

við hykli lygilærara, sum eru brennimerktir í síni egnu samvitsku,

3
Fyrra Timoteusarbrævið 4:3 Fyrra Timoteusarbrævið

sum forbjóða at giftast og geva boð um at halda seg frá føði, ið Gud hevur skapt, fyri at tey, sum trúgva og hava lært sannleikan at kenna, skulu njóta hana við tøkk.

3
Fyrra Timoteusarbrævið 4:4 Fyrra Timoteusarbrævið

Tí allur skapningur Guds er góður, og einki at vraka, táið tikið verður ímóti tí við tøkk;

3
Fyrra Timoteusarbrævið 4:5 Fyrra Timoteusarbrævið

tí tað verður halgað við orði Guds og bøn.

3
Orðtøkini 2:1 Orðtøkini

Sonur mín! Tekur tú við orðum mínum og goymir boð míni hjá tær,

2
Orðtøkini 2:2 Orðtøkini

so tú vendir oyra tínum til vísdóm og boyggir hjarta títt til klókskap,

2
Orðtøkini 2:3 Orðtøkini

ja, kallar tú á vitið og rópar hart eftir klókskapinum,

2
Orðtøkini 2:4 Orðtøkini

leitar tú eftir honum sum eftir silvuri, og grevur tú eftir honum sum eftir dýrgripum,

2
Orðtøkini 2:5 Orðtøkini

so skalt tú skilja, hvat tað er at óttast HARRAN, og vinna tær kunnskap um Gud.

2
Orðtøkini 2:6 Orðtøkini

Tí HARRIN er tann, sum gevur vísdóm, av munni Hansara koma kunnskapur og vit;

2
Orðtøkini 2:7 Orðtøkini

Hann goymir hinum sannhjartaðu lukku, Hann er øllum teimum skjøldur, sum liva ólastandi!

2
Orðtøkini 2:8 Orðtøkini

Hann vakir yvir gøtum rættarins og varðveitir veg hinna heilagu Sína.

2
Orðtøkini 2:9 Orðtøkini

Tá skalt tú skilja rættvísi, rætt og rættsinni, ja, eina og hvørja góða leið.

2
Orðtøkini 2:10 Orðtøkini

Tí vísdómur skal koma í hjarta títt, og kunnskapur skal gleða sál tína;

2
Orðtøkini 2:11 Orðtøkini

skil skal halda vakt yvir tær, vit skal vera verja tín

2
Orðtøkini 2:12 Orðtøkini

– at bjarga tær frá ringum leiðum, frá fólki, sum talar tað, ið rangvørgt er,

2
Orðtøkini 2:13 Orðtøkini

frá teimum, sum fara av rættvísileiðum og ganga á gøtum myrkursins,

2
Orðtøkini 2:14 Orðtøkini

sum hava gleði av at gera ilt og rópa av gleði um tað, ið rangvørgt og ónt er,

2
Orðtøkini 2:15 Orðtøkini

sum ganga á sniðgøtum og fylgja rangvørgum leiðum.

2
Orðtøkini 2:16 Orðtøkini

Vísdómurin skal frelsa teg frá konu annars mans, frá fremmandari kvinnu við sleiskum orðum,

2
Orðtøkini 2:17 Orðtøkini

sum hevur svikið ungdómsvin sín og gloymt sáttmála Guds síns.

2
Orðtøkini 2:18 Orðtøkini

Tí hús hennara søkkur niður í deyðan, og vegir hennara ganga niður til deydningarnar;

2
Orðtøkini 2:19 Orðtøkini

aftur kemur eingin, ið inn til hennara fer, teir náa aldri leiðum lívsins.

2
Orðtøkini 2:20 Orðtøkini

Vísdómurin skal hjálpa tær at ganga vegin, ið hini góðu ganga, og halda teg á leiðum rættvísra.

2
Orðtøkini 2:21 Orðtøkini

Tí hini sannhjartaðu skulu búgva í landinum, og hini ólastandi skulu verða eftir í tí;

2
Orðtøkini 2:22 Orðtøkini

men hini gudleysu skulu verða beind av landinum, og hini trúleysu skulu verða rykt burtur úr tí.

2
Fyrra Korintbrævið 10:23 Fyrra Korintbrævið

Alt er loyviligt – men ikki alt er gagnligt! Alt er loyviligt – men ikki alt byggir upp!

2
Aftur til evni